SKILMÁLAR vefsíðu Vélalands
Vefsvæði Vélalands, www.velaland.is, er háð eftirfarandi notkunarskilmálum.
Afnot takmarkast af:
Efnið á vefnum, hvort sem um er að ræða texta, myndir eða annað efni, er í eigu Vélalands og verndað af höfundarréttarlögum. Óheimilt er að nota efnið í heild sinni eða að hluta í atvinnuskyni eða til tekjuöflunar en þó er heimilt að vísa í efni á vefnum. VÉLALAND áskilur sér rétt til að banna tilvísanir sem gerðar eru í atvinnuskyni eða tilvísanir sem til þess eru fallnar að kasta rýrð á VÉLALAND eða þau vörumerki sem fyrirtækið hefur umboð fyrir. Athygli er vakin á því að öll vörumerki á þessum vef eru skráð vörumerki og er algerlega óheimilt að nota þau, dreifa eða afrita nema með skriflegu leyfi eiganda vörumerkisins.
Efni á vefsvæðinu:
Vefsvæði VÉLALAND inniheldur upplýsingar um þær vörur sem VÉLALAND býður til sölu hér á landi skv. samkomulagi við birgja hverju sinni. Ekki er tryggt að vörur á þessum vef séu ávallt til á lager og í einstaka tilfellum er eingöngu um að ræða að vara sé seld gegn sérpöntun. VÉLALAND og birgjar fyrirtækisins áskilja sér rétt til að breyta vöruframboði án fyrirvara, breyta verði án fyrirvara og breyta búnaði án fyrirvara. Upplýsingarnar á vefsvæðinu eru ekki tæmandi og koma aldrei í stað þeirra upplýsinga sem söluráðgjafar VÉLALAND veita. Vélaland leggur áherslu á að upplýsingar á vefsvæðinu séu réttar en afsalar sér ábyrgð á því ef upplýsingar reynast rangar.
Verð á vöru og þjónustu:
Verð vöru- og þjónustu á vefnum er einungis til viðmiðunar. Upplýsingar um verð og lýsing vöru fela ekki í sér bindandi tilboð af hálfu VÉLALAND. Slíkar upplýsingar kunna að vera úreltar og VÉLALAND beinir því til notanda að sannreyna upplýsingarnar sem fram koma á vefsvæðinu á hverjum tíma hafi hann í hyggju að nýta þær með einhverjum hætti. Verð er ávallt með virðisaukaskatti og getur breyst án fyrirvara og getur verið háð gengi á hverjum tíma.
Vernd persónuupplýsinga:
VÉLALAND mun ekki undir neinum kringumstæðum selja eða láta þriðja aðila í té umræddar upplýsingar.
Tenging við önnur vefsvæði:
VÉLALAND ber ekki ábyrgð á þeim vefsvæðum sem unnt er að tengjast í gegnum vefsvæði VÉLALAND og eru með öllu ótengdir VÉLALAND eða þeim birgjum sem VÉLALAND er umboðsaðili fyrir. Jafnframt ber Vélaland ekki ábyrgð á þeim vefsvæðum öðrum sem veita aðang að vefsvæði VÉLALAND.
Takmörkun ábyrgðar:
VÉLALAND tekur ekki ábyrgð á fjárhagslegu eða ófjárhagslegu tjóni af neinu tagi sem notandi eða aðrir kunna að verða fyrir vegna notkunar á vefsvæðinu. VÉLALAND áskilur sér rétt til að endurskoða þessa skilmála hvenær sem er. Lögsaga og dómstólar: Notkunarskilmálarnir eru háðir íslenskum lögum og íslenskir dómstólar hafa einir lögsögu í ágreiningsmálum sem varða notkunarskilmálana og vefsvæðið.
